Չիլիի և Արգենտինայի ազգային հավաքականների նախկին գլխավոր մարզիչ Խորխե Սամպաոլին քննադատել է Ֆրանսիայի հավաքականի ելույթը Եվրոպայի առաջնությունում։

Մասնագետը մասնավորապես նշել է հարձակվողներ Ուսման Դեմբելեի և Կիլիան Մբապպեի խաղը։

«Մյուս Ֆրանսիացի խաղացողները նման են հանդիսատեսի խաղի ժամանակ։ Նրանք գիտեն, որ Դեմբելեն խաղում է աուտիստի պես, նա սկսում է խաղերի հաջորդականությունը և ինքն ավարտում։ Նա չի կարողանում ստիպել թիմակցին փայլել։ Մբապպեն երբեմն նույնն է անում։

Ֆրանսիան ֆանտաստիկ կազմ ունի, բայց ֆուտբոլիստները պետք է շատ վազեն: Որովհետև թիմը հարձակվելու հնարավորություններ չի գտնում, երբ տարածքը սուղ է դառնում։

Թիմը լիովին կախված է իր ղեկավարների համախմբվածությունից և լավ հումորից։ Բայց սա ֆուտբոլի մասին իմ պատկերացումը չէ», – մասնագետի խոսքերը մեջբերում է RMC Sport-ը։

EURO-2024-ում Ֆրանսիայի հավաքականը դուրս եկավ կիսաեզրափակիչ՝ 1։2 հաշվով պարտվելով մրցաշարի չեմպիոն իսպանացիներին։ Գերմանիայում ընթացող Եվրոպայի առաջնությունում վեց խաղում Ֆրանսիայի հավաքականը 6 խաղում խփել է 4 գոլ։