«Վեսթ Հեմի» բրազիլացի կիսապաշտպան Լուկաս Պակետան հաջորդ մրցաշրջանում կկարողանա խաղալ իր թիմում, չնայած նրան, որ ՖԱ-ն մեղադրում է կիսապաշտպանի մասնակցությամբ խաղերի վրա խաղադրույքներ կատարելու համար։ Այս մասին հայտնում է The Times-ը։
Աղբյուրի փոխանցմամբ՝ Պակետան կարող է շարունակել հանդես գալ ակումբում մինչև գործընթացի ավարտը, որը կարող է ավելի երկար տևել։ Հնարավոր է, որ ֆուտբոլիստի գործը քննարկվի 2024/25 մրցաշրջանի վերջում։
Պակետի փաստաբաններն հայտնում են, որ շատ ամիսներ կպահանջվեն բոլոր ցուցմունքներն ու համապատասխան տեղեկությունները ստանալու համար, քանի որ դատավարությունն ընդգրկում է երեք երկիր՝ Անգլիա, Բրազիլիա և Իսպանիա, և ազդում է մեծ թվով մարդկանց վրա։
Պակետային չորս հանցագործության մեղադրանք է առաջադրվել՝ կապված Պրեմիեր Լիգայի «Լեսթերի» (2022 թվականի նոյեմբերի 12), «Ասթոն Վիլայի» (2023 թվականի մարտի 12), «Լիդսի» (2023 թվականի մայիսի 21) և «Բորնմութի» (2023 թվականի օգոստոսի 12) դեմ խաղերում իր կատարած խաղադրույքների համար։
