«Բարսելոնան» ընթացիկ տրանսֆերային պատուհանի ժամանակ կարող է բաժանվել կիսապաշտպան Պեդրիից։

Կատալոնական ակումբը ֆուտբոլիստի վաճառքից կարող է վաստակել մոտ 100 միլիոն եվրո։ Ինչպես հայտնում է Todofichajes-ը, այս գործարքը զգալիորեն կհեշտացնի «Ատլետիկի» եզրային հարձակվող Նիկո Ուիլյամսի հետ պայմանագիր կնքելը։ Կողմերը բանակցում են այս տրանսֆերի շուրջ։

Նշվում է նաև, որ Պեդրիից բացի կատալոնական գրանդի շարքերը կարող են լքել պաշտպան Ռոնալդ Արաուխոն ու կիսապաշտպան Ֆրենկի դե Յոնգը։