Անգլիայի ֆուտբոլային ասոցիացիան (FA) մտադիր է քննարկել իսպանացի մասնագետ Պեպ Գվարդիոլային, ով ներկայումս գլխավորում է «Մանչեսթեր Սիթին», ազգային հավաքականի մարզչի պաշտոնում հրավիրելու գաղափարը՝ պայմանով, որ նա վերջում փաստացի հեռանա անգլիական թիմից։ Այս մասին հայտնում է The Independent-ը։

Աղբյուրի համաձայն՝ FA-ն պատրաստ է սպասել, մինչև Գվարդիոլան այս մրցաշրջանի ավարտին կհայտարարի իր ապագայի վերաբերյալ որոշումը «Մանչեսթեր Սիթիում»։

Այնուամենայնիվ, FA-ն մտավախություն ունի, որ նույնիսկ եթե Գվարդիոլան հեռանա «Մանչեսթեր Սիթիից» 2024/2025 մրցաշրջանի վերջում, նա կարող է դադար վերցնել մարզչական աշխատանքից։

Հիշեցնենք, որ ավելի վաղ մամուլում տեղեկություն էր հայտնվել, որ իսպանացի մասնագետը հակված է գալիք մրցաշրջանի ավարտին հեռանալ «Սիթիից»։