Ֆրանսիայի հավաքականի 33-ամյա հարձակվող Անտուան Գրիզմանը չի ցանկանում հետևել Օլիվյե Ժիրուի օրինակին և ավարտել կարիերան ազգային հավաքականում։
«Ես վատ եմ սկսել մրցաշարը։ Բայց հետո ես ինձ ավելի ու ավելի լավ էի զգում, բայց ի վերջո հայտնվեցի պահեստայինների նստարանին։ Մենք կվերադառնանք։ Փորձեցի առավելագույնս տալ՝ հաշվի առնելով դիրքային ու տակտիկական մեծ թվով փոփոխությունները։
Ես ստիպված էի անընդհատ հարմարվել, բայց այդպիսին է ֆուտբոլիստի կյանքը։ Շատ ուրիշներ ոչ մի րոպե չեն խաղացել, ուստի ես չեմ պատրաստվում բողոքել։ Ես դեռ ցանկություն ունեմ խաղալու հավաքականում»,- Գրիզմանի խոսքերն է մեջբերում Get French Football News-ը։
