Անգլիացի և գերմանացի երկրպագուների միջև ծեծկռտուք է սկսվել այն բանից հետո, երբ Գերմանիայի հավաքականը դուրս մնաց ֆուտբոլի Եվրոպայի տնային առաջնությունից, հայտնում է Daily Mail-ը։
Ուրբաթ օրը՝ հուլիսի 5-ին, գերմանացիները քառորդ եզրափակիչ խաղում լրացուցիչ ժամանակում (1:2) պարտվեցին Իսպանիայի հավաքականին և դուրս մնացին մրցաշարից։ Հանդիպումը կայացել է Դյուսելդորֆում։
Աղբյուրի փոխանցմամբ՝ խաղից հետո բրիտանացիները սկսել են ծաղրել Գերմանիայի հավաքականի երկրպագուներին և վիրավորական վանկարկումներ հնչեցնել նրանց հասցեին։
Արդյունքում մի քանի երկրպագուների միջև ծեծկռտուք է սկսվել, որի ժամանակ անգլիացի երկրպագուները գարեջուր են լցրել գերմանացիների վրա։
Իրավիճակը հանգուցալուծել են ոստիկանության աշխատակիցները։
