Չնայած EURO-2024-ի 1/8 եզրափակիչում Շվեյցարիայից դուրս մնալու հանգամանքին՝ Իտալիայի ֆուտբոլի ֆեդերացիան որոշել է չազատել Լուչանո Սպալետտիին ազգային հավաքականի գլխավոր մարզչի պաշտոնից։
Ըստ իտալական լրատվամիջոցների՝ Սպալետտիին չորս հանդիպում է տրվել, որպեսզի շտկի իրավիճակը։ Այս չորս հանդիպումները կլինեն Ազգերի լիգայի աշնանային հանդիպումներ՝ երկուսն Իսրայելի հետ, ինչպես նաև տնային հանդիպում Բելգիայի հետ և արտագնա՝ Ֆրանսիայի հետ:
Եթե ընտրանու խաղում առաջընթաց չնկատվի, Սպալետտիին փոխարինող կփնտրեն: Այժմ դիտարկվում է երկու թեկնածու՝ Մասիմիլիանո Ալեգրին և Կլաուդիո Ռանիերին։
