Ֆրանսիայի հավաքականի կիսապաշտպան Էդուարդո Կամավինգան խոսել է EURO-2024-ում խաղաժամանակի մասին:

Կիսապաշտպանը մասնակցել է խմբային փուլի երկու հանդիպման՝ Ավստրիայի (1:0, 19 րոպե) և Լեհաստանի (1:1, 29 րոպե):

«Բոլոր ֆուտբոլիստները սիրում են խաղալ։ Ես ուրախ չեմ, որ քիչ եմ խաղում, բայց գիտեմ, որ մի օր իմ ժամանակը կգա։

Ես չեմ սիրում ձախ պաշտպան խաղալ, այդ առումով ոչինչ չի փոխվել։ Բայց ես թիմային խաղացող եմ, և եթե ինձանից պահանջեն խաղալ ձախ պաշտպան, ապա ես կանեմ դա և կտամ ամեն ինչ:

Դեշամը մեզ հետ այնքան էլ հաճախ չի խոսում, բայց մենք մտերիմ ենք։ Մենք ամեն ինչ արտահայտում ենք միմյանց դեմքին։ EURO-2024-ի մեկնարկին նա եկավ ինձ մոտ և նկարագրեց իմ դերը։ Մենք անընդհատ չենք շփվում, հակառակ դեպքում նման հարաբերությունները որոշ չափով թունավոր կդառնան»,- կիսապաշտպանի խոսքերն է մեջբերում Marca-ն։