Ավստրիայի հավաքականը 1978 թվականից ի վեր առաջին անգամ խմբում զբաղեցրել է առաջին տեղը խոշոր մրցաշարում, հայտնում է OptaJose-ը X սոցիալական ցանցում (նախկինում՝ Twitter):

Հիշեցնենք, որ Ավստրիայի հավաքականը Եվրոպայի առաջնության խմբային փուլի երրորդ խաղում հաղթել է Հոլանդիային (3:2): Այս հաղթանակը Ռալֆ Ռանգնիկի թիմին թույլ տվեց D խմբում գրավել առաջին տեղը։ Ավստրիան վեց միավորով խմբում գրավեց առաջին տեղը։ Երկրորդ տեղում Ֆրանսիան է (հինգ միավոր), իսկ Հոլանդիան՝ երրորդ (չորս միավոր): Մեկ միավոր վաստակած Լեհաստանը դուրս մնաց մրցաշարից։

Առաջնության 1/8 եզրափակչում Ռանգնիկի թիմը կխաղա F խմբում երկրորդ տեղի հետ։ Ներկայումս այս տեղը զբաղեցնում է Թուրքիայի հավաքականը։ Եվրոպայի առաջնության գործող հաղթողը Իտալիայի հավաքականն է, որը վերջին մրցաշարի վճռորոշ խաղում հաղթեց Անգլիային։