COPA AMERICA-ի խմբային փուլի Պերու – Կանադա հանդիպման մրցավարի օգնականը կորցրել է գիտակցությունը։
Թիմերը հանդիպեցին խմբային փուլի երկրորդ տուրում։ Խաղն ավարտվել է կանադացիների հաղթանակով՝ 1։0 հաշվով։
Առաջին խաղակեսի վերջում մրցավարի օգնական Հումբերտո Պանհոյը կորցրել է գիտակցությունը ջերմաստիճանի բարձր լինելու պատճառով: Դա նկատել է Կանադայի հավաքականի դարպասապահ Մաքսիմ Կրեպոն, ով վազելով մոտեցել է գվատեմալացի մրցավարին և գլխավոր մրցավարի ուշադրությունը հրավիրել միջադեպի վրա։
Պանհոյը ուշքի է եկել, սակայն խաղադաշտը լքել է պատգարակով։
Խաղի ընթացքում մարզադաշտում օդի ջերմաստիճանը եղել է 33 աստիճան։