Բրիտանական հանրահայտ Daily Mail առցանց հրատարակությունը նշել է Ուկրաինայի հավաքականի գլխավոր մարզիչ Սերգեյ Ռեբրովի ստույգ աշխատավարձը:
Այսպիսով, ըստ աղբյուրի, ուկրաինացի մասնագետը տարեկան ստանում է 1 մլն ֆունտ (1,9 մլն եվրո): EURO-2024-ի ամենաբարձր վարձատրվող ազգային հավաքականների մարզիչների վարկանիշային աղյուսակում Ռեբրովը զբաղեցնում է 14-րդ տեղը։ Օրինակ՝ Շոտլանդիայի հավաքականի գլխավոր մարզիչ Սթիվ Կլարկը եւ Ալբանիայի գլխավոր մարզիչ Սիլվինյոն զգալի քիչ են ստանում։
Հիշեցնենք, որ այսօր՝ հունիսի 26-ին, կկայանա EURO-2024-ի խմբային փուլի 3-րդ տուրի՝ Ուկրաինայի եւ Բելգիայի ազգային հավաքականների հանդիպումը։ Հանդիպումը կհյուրընկալվի Շտուտգարտի «Մերսեդես-Բենց Արենա» մարզադաշտում:
