Անգլիայի հավաքականի հարձակվող եւ ավագ Հարի Քեյնը մեկնաբանել է Եվրոպայի առաջնության խմբային փուլի 3-րդ տուրի վերջին խաղում Սլովենիայի հետ ոչ-ոքին (0:0)։
«Մրցաշարի մեկնարկից առաջ մենք մեր առաջ խնդիր դրեցինք խմբում զբաղեցնել առաջին տեղը, և հասանք դրան։ Ծանր խաղ էր։ Մենք շատ ավելի շատ էներգիա ունեինք, ավելի շատ գնդակով էինք, բայց մենք պարզապես չկարողացանք գտնել այդ վերջին փոխանցումը: Հիմա բոլոր հանդիպումները բարդ են լինելու։
Մենք մի քանի հնարավորություններ ստեղծեցինք, բայց ընդհանուր առմամբ Սլովենիան լավ պաշտպանվեց և դժվարացրեց մեզ համար խաղը»,- ասել է Քեյնը ITV Sport-ին տված հարցազրույցում:
Անգլիայի հավաքականը 5 միավորով զբաղեցրեց 1-ին տեղը։ Սլովենիան ունի 3 միավոր և երրորդ տեղն է զբաղեցնում:
