Յուլիան Նագելսմանը քննադատել է Ֆրանկֆուրտի մարզադաշտի խաղադաշտը։
Այսօր Ֆրանկֆուրտում Գերմանիան կխաղա Շվեյցարիայի հետ: Գերմանացիները մարտին այս մարզադաշտում ընկերական հանդիպում են անցկացրել Հոլանդիայի հետ (2:1), երբ ֆուտբոլիստները հաճախ են սայթաքել։
Դանիա-Անգլիա հանդիպման ժամանակ ֆուտբոլիստները նույնպես սայթաքել են, իսկ խոտածածկի կտորները պոկվել են: Որոշ խաղացողներ դժգոհում էին սայթաքուն խոտածածկից:
«Ես չեմ ուզում վիրավորել որևէ մեկին, բայց խաղադաշտը պարզապես լավը չէ: Երիտասարդների դեպքում դա այնքան էլ վատ չէ, մեծահասակների դեպքում դա նման է ձմռանը ամառային անվադողերով ավտոմեքենա վարելուն»,- ասել է Գերմանիայի հավաքականի մարզիչը՝ նշելով խաչաձև կապանների պատռման մեծ ռիսկը։
