Իտալիայի հավաքականի նախկին հարձակվող Ֆրանչեսկո Տոտտին Իսպանիայից պարտությունից հետո (0:1) կոչ է արել մոռանալ այս հանդիպումը և կենտրոնանալ Խորվաթիայի վրա։
«Իսպանիան հիանալի թիմ է համաշխարհային մակարդակի երիտասարդ խաղացողներով: Այս խաղում նրանք կատարյալ էին, մինչդեռ մենք այն Իտալիան չէինք, որը բոլորն էին սպասում։ Այժմ կարևոր է հաջորդ փուլ դուրս գալը։
Չպետք է փորձենք համեմատել Իտալիային ու Իսպանիային։ Լինում են գիշերներ, երբ մի թիմի մոտ ամեն ինչ հիանալի է ստացվում, իսկ մյուսի մոտ ամեն ինչ սխալ է ընթանում: Մենք պարզապես պետք է շրջենք էջը և կենտրոնանանք Խորվաթիայի վրա»,- Տոտտիի խոսքերն է մեջբերում Sky Sport Italia-ն:
Խորվաթիա – Իտալիա հանդիպումը կկայանա հունիսի 24-ին։