Իտալիայի հավաքականի գլխավոր մարզիչ Լուչանո Սպալետտին կիսվել է Եվրո-2024-ի Իսպանիայի հետ խաղից իր սպասելիքներով։

«Երբեմն մենք կհարձակվենք, երբեմն էլ ստիպված կլինենք պաշտպանվել սեփական կիսադաշտում, բայց գաղափարը միշտ այն է, որ տիրենք խաղադաշտին։

Մենք ցանկանում ենք մեզ փորձարկել Իսպանիայի նման բարձրակարգ թիմերի դեմ, որպեսզի տեսնենք, թե որտեղ ենք մենք կանգնած։

Մենք փորձում ենք դրական ֆուտբոլ խաղալ և պահպանել գնդակին տիրելը։ Ես հավատում եմ, որ եթե գնդակը տաս մրցակցիդ, նա ավելի լավ դիրքում կլինի։ Մենք կփորձենք ժամանակ առ ժամանակ գերակայել։ Տեսնենք, թե արդյոք բավական լավ ենք գլուխ հանում այս առաջադրանքից»,- Սպալետտիի խոսքերն է մեջբերում Football Italia-ն։