Անգլիայի հավաքականի պաշտպան Քայլ Ուոքերը խոսել է Եվրոպայի առաջնությունում իր թիմի հնարավորությունների մասին։
«Մենք վաղ առավոտյան վերադարձանք մեր մարզահրապարակ, բայց ֆուտբոլիստներն ամբողջությամբ կենտրոնացած են առաջիկա հանդիպման վրա և պատրաստ են ցույց տալ իրենց լավագույն կողմերը։
Կարծում եմ, որ մենք պետք է գոհ լինենք իրավիճակից և այն պայմաններից, որում հայտնվել ենք։ Մենք լավ թիմ ունենք՝ լավ ֆուտբոլիստներով։ Եթե մենք ֆավորիտ ենք համարվում, լավ, դրա հետ չենք վիճում։ Մենք սա հաճոյախոսություն ենք համարում»,- Ուոքերի խոսքերն է մեջբերում ՈւԵՖԱ-ի մամուլի ծառայությունը։
Հինգշաբթի օրը՝ հունիսի 20-ին, Անգլիայի հավաքականը Եվրոպայի առաջնության խմբային փուլի 2-րդ տուրում կմրցի Դանիայի հետ։
