Երեքշաբթի (հունիսի 18-ին) կայացավ EURO-2024-ի խմբային փուլի 1-ին տուրի վերջին հանդիպումը՝ Պորտուգալիա – Չեխիա (2:1):

Այս խաղում տուգանային հրապարակից դուրս գոլ խփեց չեխ կիսապաշտպան Լուկաշ Պրովոդը։ Հեռահար այս գոլը 11-րդն էր ընթացիկ մրցաշարում (33-ից):

Այսպիսով, Եվրոպայի առաջնության առաջին տուրի ընթացքում հեռահար հարվածներով գրեթե այնքան գոլ է գրանցվել, որքան 2022 թվականի Աշխարհի առաջնության ողջ ընթացքում։ Ըստ Opta-ի՝ Քաթարում կայացած Աշխարհի առաջնությունում ֆուտբոլիստները 12 անգամ գրավեցին դարպասը մեծ հեռավորությունից։