«Բավարիան» առաջարկ է արել «Մանչեսթեր Յունայթեդի» 32-ամյա հենակետային կիսապաշտպան Կազեմիրոյին։ Այս մասին հայտնել է Trivela-ի լրագրող Էդուարդո Դեկոնտոն X սոցիալական ցանցում (նախկինում՝ Twitter):
Աղբյուրի համաձայն՝ մյունխենյան ակումբը ներկայումս խաղացող է փնտրում, որը կզբաղեցնի հիմնական հենակետային կիսապաշտպանի դիրքը։ Ավելի վաղ ԶԼՄ-ներում տեղեկություն էր հայտնվել, որ «Բավարիան» նույնպես հետաքրքրություն է ցուցաբերում «Ֆուլհեմի» կիսապաշտպան Ժոաու Պալինյայի նկատմամբ։
Հիշեցնենք, որ նախորդ մրցաշրջանում Կազեմիրոն բոլոր մրցաշարերում մասնակցել է 32 հանդիպման, որոնցում դարձել է հինգ գոլի և երեք գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2026 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 20 միլիոն եվրո։
