«Մանչեսթեր Յունայթեդի» հարձակվող Մարկուս Ռեշֆորդը կարող է կարիերան շարունակել Իսպանիայի առաջնության թոփ-ակումբում։ Այս մասին հաղորդվում է Todofichajes-ի էջերում։

Աղբյուրի տեղեկություններով՝ անգլիացու ծառայություններով հետաքրքրված է կատալոնական «Բարսելոնան»։ Միևնույն ժամանակ, «կապտանռնագույնները» ֆինանսական դժվարությունների պատճառով չեն կարող իրենց թույլ տալ Ռեշֆորդի լիարժեք տրանսֆերը։ Լա լիգայի փոխչեմպիոնը հույս ունի հարձակվողին վարձակալել հաջորդ մրցաշրջանի համար։

Transfermarkt պորտալը Մարկուսի արժեքը գնահատում է 60 միլիոն եվրո։ 26-ամյա հարձակվողի պայմանագիրը «կարմիր սատանաների» հետ նախատեսված է մինչև 2028 թվականի կեսերը։