Մադրիդի «Ռեալի» աջ պաշտպան Դանիել Կարվախալը ռեկորդ է սահմանել Իսպանիայի հավաքականի կազմում։
«Ռեալի» վետերանն աչքի է ընկել Խորվաթիայի հավաքականի դեմ խաղում (3:0), որը տեղի է ունեցել EURO-2024-ի խմբային փուլի առաջին տուրում։ Ըստ Opta-ի՝ Կարվախալը (32 տարեկան 156 օրական) դարձել է EURO-ում Իսպանիայի հավաքականի գոլ խփած ամենատարեց խաղացողը։
Հետաքրքիր է, որ 16-ամյա Լամին Յամալն էլ դարձավ EURO-ի պատմության մեջ գոլային փոխանցման ամենաերիտասարդ հեղինակը։
Հիշեցնենք, որ խորվաթներին խփած գոլը Դանիել Կարվախալի համար առաջինն էր Իսպանիայի հավաքականում իր ողջ կարիերայի ընթացքում։ «Կարմիր ֆուրիայի» կազմում իր առաջին գոլը խփելու համար ֆուտբոլիստից պահանջվել է 45 հանդիպում։
