Եվրո-2024-ի մեկնարկային խաղում Գերմանիա – Շոտլանդիա (5:1) լավագույն խաղացող ճանաչված Գերմանիայի հավաքականի կիսապաշտպան Ջամալ Մուսիալան ամփոփել է հանդիպումը:
«Արդյո՞ք ես անցկացրի իմ կյանքի լավագույն հանդիպումը. Դուք կարող եք դա ասել: Ես իմ կյանքում ամենաթույն զգացողություններն ունեմ։ Եվ բոլորս ուրախ ենք, որ այսպես սկսեցինք, այսքան գոլ խփեցինք ու վստահություն ձեռք բերեցինք հաջորդ խաղերի համար։
Տոնի Կրոսը խաղից առաջ հանդերձարանում ինձ մի քանի հուսադրող խոսք ասաց. Սա մեր հիմնական խաղացողն է, և ինձ համար պատիվ է խաղալ նրա հետ:
Չեմ կարող ասել, որ ես՝ որպես ամենաերիտասարդ խաղացող, հատուկ ճնշում եմ զգում։ Երբ ունես նման խաղընկերներ, ճնշում չես զգում, այլ հաճույք ես ստանում։ Բայց մենք կարող ենք ավելի լավ խաղալ:
Ես ժամանակ չունեի մտածելու Կատարում 2022 թվականի աշխարհի առաջնության անհաջողության մասին։ Սա ֆուտբոլ է, պետք է դուրս գալ, մարզվել և խաղալ նույն ինտենսիվությամբ, և երբեմն բախտը քեզ հետ կլինի, երբեմն՝ ոչ: Այնպես որ, այս խաղից հետո գլուխ բարձրացնելու կարիք չկա»,- ասել է Մուսիալան։
A խմբի հաջորդ խաղում Գերմանիան հունիսի 19-ին կմրցի Հունգարիայի հետ, նույն օրը Շոտլանդիան կհանդիպի Շվեյցարիայի հետ։
