«Էսպանյոլի» 23-ամյա դարպասապահ Ժոան Գարսիային Մադրիդի «Ռեալը» դիտարկում է որպես «Ռեալի» դարպասապահ Անդրեյ Լունինի հավանական փոխարինող, եթե վերջինս հեռանա ակումբից։ Այս մասին հայտնում է 90min-ը՝ հղում կատարելով AS-ին։
Ավելի վաղ մամուլում տեղեկություն էր հայտնվել, որ Լունինի շրջապատը դժգոհ է, որ Մադրիդի «Ռեալի» գլխավոր մարզիչ Կառլո Անչելոտտին ուկրաինացի ֆուտբոլիստին չի վստահել դարպասը Դորտմունդի «Բորուսիայի» հետ Չեմպիոնների Լիգայի եզրափակիչ խաղում (2:0):
Նախորդ մրցաշրջանում Գարսիան բոլոր մրցաշարերում մասնակցել է 19 հանդիպման, որոնցից 11-ում դարպասն անառիկ է պահել։ Ֆուտբոլիստի ներկայիս պայմանագիրն ակումբի հետ նախատեսված է մինչև 2028 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 400 հազար եվրո։
