«Ինտերը» պատրաստվում է Դենզել Դյումֆրիսի հեռանալուն։
Պայմանագիրը միլանյան ակումբի հետ ավարտվում է հաջորդ տարի։ Կողմերը բանակցել են պայմանագիրը երկարաձգելու շուրջ ձմռանը, սակայն չեն կարողացել համաձայնության գալ ֆինանսական կողմի շուրջ. ֆուտբոլիստի ներկայացուցիչները նրա համար տարեկան 5,5 մլն եվրո աշխատավարձ են պահանջել, ակումբն առաջարկել է 4 մլն եվրո, սակայն համաձայնություն ձեռք չի բերվել։
Այժմ «Ինտերը» պատրաստ է վաճառել ֆուտբոլիստին, որպեսզի անվճար չկորցնի նրան։ Ըստ La Gazzetta dello Sport-ի՝ միլանցիները ցանկանում են 25-30 միլիոն եվրո վաստակել Դյումֆրիսի տրանսֆերի համար:
«Ասթոն Վիլան» արդեն հանդես է եկել ֆուտբոլիստի տրանսֆերի առաջարկով, սակայն իտալացիները հույս ունեն, որ պայքարին կմիանա «Մանչեսթեր Յունայթեդը»: Մանկունիացիների գլխավոր մարզիչ Էրիկ տեն Հագը ցանկանում էր իր թիմում տեսնել Դենզելին։
Անցած մրցաշրջանում Ա Սերիայում Դյումֆրիսը անցկացրել է 31 հանդիպում՝ դառնալով 4 գոլի և 4 գոլային փոխանցման հեղինակ։
