Ռոնալդ Կումանը նշել է, որ «Բարսելոնայում» այնքան աջակցություն չի ստացել, որքան Չավին:
«Ես նախագահից չեմ ստացել նույն աջակցությունը, ինչ Չավին: Երբ ինձ հեռացրին, եթե չեմ սխալվում, մենք 9 միավորով զիջում էինք «Ռեալին», իսկ հետո 10 միավորով հետ են մնացել: Հաջողության հասնելու համար պետք է ունենալ նախագահի աջակցությունը։
Երբ ես շրջում եմ Բարսելոնայում, ես զգում եմ մարդկանց սերը, և այն չի նվազել միայն այն պատճառով, որ ամեն ինչ լավ չի ընթացել: Ես կհիշվեմ որպես մարդ, ով գոլ խփեց ակումբի հաղթած առաջին եվրագավաթների եզրափակիչում։ Ես պարզապես նախագահից աջակցություն չեմ ստացել»,- ասել է Հոլանդիայի հավաքականի գլխավոր մարզիչը , ով նախկինում մարզել է «Բարսելոնան»:
Ռոնալդ Կումանը պատասխանել է նաև, թե արդյոք կատալոնական ակումբի գլխավոր մարզչի պաշտոնը ամենադժվարն է եղել իր կարիերայում։
«Ես այդպես եմ կարծում, բայց քանի որ «Բարսան» իմ ակումբն է: Ես հիանալի ժամանակ եմ անցկացրել այնտեղ՝ որպես ֆուտբոլիստ, ես քաղաքում ընկերներ ունեմ, թիմ մարզելն իմ կյանքի երազանքն էր… Դա ամեն ինչ ավելի բարդ ու սթրեսային դարձրեց»,- ավելացրել է Կումանը։
