«Մանչեսթեր Յունայթեդի» նախկին հարձակվող Ուեյն Ռունին հայտնել է, որ «Վեսթ Հեմի» վինգեր Ջերոդ Բոուենի փոխարեն Անգլիայի հավաքականը պետք էր հրավիրել «Մանչեսթեր Սիթիի» հարձակվող Ջեկ Գրիլիշին։

«Ես կընտրեի Գրիլիշին: Բոուենը խաղում է աջ եզրում։ Սական, Քոուլ Պալմերը, Ֆոդենը կարող են խաղալ այնտեղ։ Ես կընտրեի Գրիլիշին Բոուենի փոխարեն»,- Ռունիի խոսքերն է մեջբերում The Overlap-ը:

2024 թվականի Եվրոպայի առաջնությունը կկայանա հունիսի 14-ից հուլիսի 14-ը Գերմանիայում։ C խմբում Անգլիան կմրցի Դանիայի, Սերբիայի և Սլովենիայի հետ։