Գերմանիայի հավաքականի գլխավոր մարզիչ Յուլիան Նագելսմանը համեմատել է ակումբում և ազգային հավաքականի հետ աշխատանքը։
«Ավելի դժվար է ազդել ազգային հավաքականում իրավիճակի վրա, քան ակումբում։ Որպեսզի բոլորն իսկապես ըմբռնեն և հասկանան ձեր գաղափարները, դուք պետք է շատ խոսեք մարզչական շտաբի հետ և ճիշտ պահերին անհատական զրույցներ վարեք խաղացողների հետ: Պետք է ճիշտ ժամանակ ընտրել խաղացողների հետ շփվելու համար, որպեսզի այն իրական ազդեցություն ունենա թիմի վրա։
Պետք է շատ հանդիպումներ դիտել, մտածել յուրաքանչյուր դիրքի պահանջների մասին, պարզել, թե որ խաղացողներն են հարմար այս դիրքերի համար՝ ելնելով այն բանից, թե ինչպես են նրանք խաղում իրենց ակումբներում: Մենք պետք է անընդհատ մտածենք, թե ովքեր կարող են լավ տեղավորվել թիմում, և ովքեր մեզ անհրաժեշտ են ավելի հաջողակ լինելու համար։
Շատ նկատառումներ են քննարկվում կուլիսներում, որոնք հասարակությունը չի նկատում, քանի որ մենք ամեն օր չենք տեսնում միմյանց մարզումների ժամանակ և, իհարկե, անընդհատ բազայում չենք»,- Նագելսմանի խոսքերն է մեջբերում ՈՒԵՖԱ-ն։
