Մադրիդի «Ռեալը» դժգոհ է հաջորդ մրցաշրջանի զբաղված օրացույցից։
Պատճառն աշխարհի ակումբային առաջնության նոր ձևաչափն է, որին այժմ կմասնակցեն 6 կոնֆեդերացիաների 32 թիմեր։
«Մենք պատրաստվում ենք հաջորդ սեզոնը սկսել օգոստոսին և ավարտել հուլիսին։ Խենթություն: Նրանք պատրաստվում են սպանել խաղացողներին»,- «Ռեալի» աղբյուրի խոսքերն է մեջբերում Relevo-ի լրագրող Խորխե Պիկոնը։
Մադրիդի «Ռեալը» մրցաշրջանի առաջին հանդիպումը՝ Եվրոպայի Սուպերգավաթի խաղարկությունում, կանցկացնի 2024 թվականի օգոստոսի 14-ին։ Եթե մադրիդցիները դուրս գան Աշխարհի ակումբային առաջնության եզրափակիչ, ապա նրանց մրցաշրջանը կավարտվի 2025 թվականի հուլիսի 13-ին։
Հաջորդ մրցաշրջանում Մադրիդի «Ռեալը» կարող է 72 հանդիպում անցկացնել։ Աշխարհի ակումբային նոր առաջնությունն ավելացնում է 7 խաղ։ Մադրիդցիները մրցաշարում իմաստ չեն տեսնում, նույնիսկ չնայած պոտենցիալ եկամուտին՝ 50 միլիոն եվրո մասնակցության համար և ևս 100 միլիոն հաղթանակի համար։