«Բարսելոնայի» վինգեր Անսու Ֆատին, ով նախորդ մրցաշրջանում վարձավճարով հանդես էր գալիս անգլիական «Բրայթոնի» կազմում, խոսել է իր ապագայի մասին։
«Իմ պլանը պարզ է. ես ցանկանում եմ հաջողության հասնել «Բարսելոնայում», – Ֆատիի խոսքերը մեջբերում է լրագրող Ֆաբրիցիո Ռոմանոն սոցիալական ցանցերում՝ հղում անելով Mundo Deportivo-ին։
Հիշեցնենք, որ անցած մրցաշրջանում Անսու Ֆատին «Բրայթոնի» կազմում անցկացրել է 30 հանդիպում, որոնցում դարձել է 4 գոլի և մեկ գոլային փոխանցման հեղինակ։ 2023 թվականի սեպտեմբերին իսպանացին Բարսելոնայից վարձավճարով տեղափոխվեց «Բրայթոն ընդ Հոուվ Ալբիոն», մինչդեռ նշվում էր, որ պայմանագրում խաղացողի գնման կետ չկա: Հարձակվողի գնահատված արժեքը, ըստ Transfermarkt ինտերնետային պորտալի, կազմում է 25 միլիոն եվրո:
