Շաբաթ օրը՝ հունիսի 1-ին, կայացավ Չեմպիոնների լիգայի եզրափակիչը Դորտմունդի «Բորուսիայի» և Մադրիդի «Ռեալի» միջև։ Հանդիպումն ավարտվել է մադրիդցիների հաղթանակով՝ 2։0 հաշվով։
Պարգևատրման արարողությունից հետո «Լոս Բլանկոսի» գլխավոր մարզիչ Կառլո Անչելոտտին և նրա սաները տոնական պար են անցկացրել գավաթի շուրջ։ Այնուհետև ֆուտբոլիստները մի քանի անգամ բարձրացրել են իտալացի մասնագետին։
Սա Մադրիդի «Ռեալի» 15-րդ հաղթանակն է մրցաշարում։ Անչելոտտին դարձավ առաջին մարզիչը, ով հինգ անգամ հաղթել է Չեմպիոնների լիգան։
