Անգլիացի կիսապաշտպան Ջոբ Բելինգհեմը՝ Մադրիդի «Ռեալի» կիսապաշտպան Ջուդ Բելինգհեմի եղբայրը, ամառային տրանսֆերային պատուհանի ընթացքում կարող է փոխել ակումբային գրանցումը։
Ինչպես հայտնում է ինսայդեր Ֆաբրիցիո Ռոմանոն՝ «Քրիսթալ Փելասը» բանակցություններ է վարում 18-ամյա Բելինգհեմի հետ պայմանագիր կնքելու շուրջ։ Ջոբը անգլիական ակումբի առաջնահերթ թիրախն է։
Բելինգհեմը «Սանդերլենդում» հանդես է գալիս 2023 թվականի ամռանից։ Այդ ժամանակից ի վեր կիսապաշտպանը անցկացրել է 47 պաշտոնական հանդիպում, որոնցում խփել է 7 գոլ և կատարել մեկ գոլային փոխանցում։
Transfermarkt-ը ֆուտբոլիստին գնահատում է 12 միլիոն եվրո։
