«Բարսելոնայի» նոր գլխավոր մարզիչ Հանս-Դիտեր Ֆլիկը հայտնել է, որ ծրագրում է զարգացնել կատալոնական ակումբի ակադեմիայի խաղացողներին։
««Բարսելոնան» ունի աշխարհի լավագույն ակադեմիաներից մեկը և փորձառու խաղացողների և երիտասարդ տաղանդների լավ խառնուրդ։ Մենք պետք է դրանք զարգացնենք, որպեսզի նրանք կարողանան կատարելագործվել։ Սա մեր գործն է»,- Ֆլիկի խոսքերն է մեջբերում AS-ը։
«Բարսելոնան» 59-ամյա գերմանացու հետ պայմանագիր կնքելու մասին հայտարարել է մայիսի 29-ին։ Նա կատալոնացիների գլխավոր մարզչի պաշտոնում փոխարինեց Չավիին։
