«Ատալանտայի» գլխավոր մարզիչ Ջան Պիերո Գասպերինին հայտնել է, որ առաջարկ ուներ Անգլիայից, սակայն մտադիր չէ հեռանալ Իտալիայից։

«Ատալանտան», որը Գասպերինին մարզում է 2016 թվականից, նախորդ մրցաշրջանում հաղթել է Եվրոպա Լիգան։

«Ես չեմ գնա Անգլիա։ Այս տարի ես մի տարբերակ ունեի Անգլիայում, շատ լավ հնարավորություն, որը վերջերս ստեղծվեց։ Եվրոպա Լիգայում հաղթելը շատ հնարավորություններ բացեց, բայց ես չափազանց շատ եմ սիրում Իտալիան»,- Գասպերինիի խոսքերն է մեջբերում CalcioMercato.com-ը։