«Բարսելոնայի» նախկին պաշտպան Ժերար Պիկեն հայտնվել է կոռուպցիոն գործի մեջ՝ Սաուդյան Արաբիայում Իսպանիայի Սուպերգավաթը ընդունելու պայմանագիր կնքելիս, հայտնում է AFP-ն։
Պիկեին պատկանող «Կոսմոս» ընկերության միջնորդությամբ 2018 թվականին 40 միլիոն եվրոյի պայմանագրեր է ստորագրել Իսպանիայի ֆուտբոլի թագավորական ֆեդերացիայի (RFEF) այն ժամանակվա նախագահ Լուիս Ռուբիալեսը։
Դատարանը հայտարարել է, որ պայմանագրերը, որոնք ներառում են «Կոսմոսին» տարեկան 4 միլիոն եվրո միջնորդավճարի երաշխավորման մասին» կետը, պարունակում են «հանցավոր հետևանքներով հնարավոր խախտումներ»։
Այդ կապակցությամբ դատարանը Իսպանիայի նախկին խաղացողին ներառել է այն անձանց խմբի մեջ, որոնց նկատմամբ ծառայողական քննություն է տարվում՝ ենթադրյալ խարդախության համար։
