«Մանչեսթեր Յունայթեդի» գլխավոր մարզիչ Էրիկ տեն Հագը մրցաշրջանի ավարտից հետո կլքի թիմը, հայտնում է The Guardian-ը։

Աղբյուրի տեղեկություններով՝ 54-ամյա մասնագետը կհեռանա թիմից՝ անկախ Անգլիայի գավաթի եզրափակչի արդյունքից։ Շաբաթ օրը՝ մայիսի 25-ին, «Մանչեսթեր Յունայթեդը» վճռորոշ խաղում կմրցի «Մանչեսթեր Սիթիի» հետ։

Տեն Հագը «Մանչեսթեր Յունայթեդը» գլխավորում է 2022 թվականի ամառվանից։ 2023/24 մրցաշրջանում թիմը Պրեմիեր Լիգայի մրցաշարային աղյուսակում զբաղեցրել է ութերորդ տեղը։