«Բարսելոնայի» ղեկավարությունը գերմանացի մասնագետ Հանս-Դիտեր Ֆլիկին տեղեկացրել է նրան նոր գլխավոր մարզիչ նշանակելու որոշման մասին, հայտնում է լրագրող Ֆլորիան Պլետենբերգը X սոցիալական ցանցում (նախկինում՝ Twitter)։
Հիշեցնենք, որ «Բարսելոնան» մրցաշրջանի ավարտից առաջ 82 միավորով իրեն երաշխավորեց երկրորդ տեղը Իսպանիայի առաջնության մրցաշարային աղյուսակում։
Ֆլիկը «Բավարիայի» գլխավոր մարզիչն է եղել 2019-ից 2021 թվականներին։ Այս ընթացքում նրա գլխավորությամբ գերմանական հսկան նվաճել է Չեմպիոնների Լիգան, ՈՒԵՖԱ-ի սուպերգավաթը, Գերմանիայի գավաթը և երկու անգամ՝ Գերմանիայի առաջնությունը։
