«Արսենալի» գլխավոր մարզիչ Միկել Արտետան կիսվել է «Էվերթոնի» հետ Պրեմիեր Լիգայի եզրափակիչ՝ 38-րդ տուրի տնային հանդիպման սպասելիքներով։ «Զինագործների» հաղթանակը կարող է նրանց չեմպիոնական տիտղոս բերել, եթե «Մանչեսթեր Սիթին» չհաղթի «Վեսթ Հեմին» զուգահեռ խաղում։
«Միակ բանը, որ մենք կարող ենք անել, մեր խաղի վրա կենտրոնանալն է: «Էվերթոնի» հետ բարդ հանդիպում, նրանք այս պահին լավ մարզավիճակում են, և նրանց դեմ իսկապես դժվար է խաղալ:
Մենք անում ենք մեր գործը, վայելում ենք այս պահը, օգտագործում ենք ողջ էներգիան, որը կլինի այս մարզադաշտում, և ավարտում ենք օրը այնպես, ինչպես պետք է ավարտենք»,- Արտետայի խոսքերն է մեջբերում TNT Sports-ը։
Պրեմիեր Լիգայի ավարտից մեկ տուր առաջ «Արսենալը» 37 հանդիպումներից 86 միավորով զբաղեցնում է մրցաշարային աղյուսակի երկրորդ հորիզոնականը՝ առաջատար «Մանչեսթեր Սիթիից» զիջելով երկու միավորով։ 38-րդ տուրում «Էվերթոնի» նկատմամբ տնային հաղթանակի դեպքում լոնդոնցիները կդառնան չեմպիոն, պայմանով, որ «Սիթին» տանը չհաղթի «Վեսթ Հեմին», այդ դեպքում «զինագործները» միավորներով կամ ավելի լավ արդյունքի շնորհիվ առաջ կանցնեն «Սիթիից»։
