MLS-ը տվյալներ է հրապարակել առաջնությունում հանդես եկող բոլոր ֆուտբոլիստների աշխատավարձերի վերաբերյալ։

MLS-ի ամենաբարձր վարձատրվող խաղացողը «Ինտեր Մայամիի» հարձակվող Լիոնել Մեսսին է, նա տարեկան վաստակում է 12 միլիոն դոլար (երաշխավորված 20,4 միլիոն դոլար փոխհատուցումով):

Ամենաբարձր աշխատավարձ ստացած երեք խաղացողների թվում են նաև Մեսսիի թիմակից Սերխիո Բուսկետսը` 8,5 միլիոն (8,7 միլիոն): Երրորդ տեղը զբաղեցնում է «Տորոնտոյի» կիսապաշտպան Լորենցո Ինսինյեն՝ 7,5 միլիոն (15,4 միլիոն)։

Երաշխավորված փոխհատուցումը այն գումարն է, որը ներառում է խաղացողի աշխատավարձը և ցանկացած բոնուս, որը կարող է կուտակվել պայմանագրի ընթացքում:

Մեսսին «Ինտեր Մայամիում» հանդես է գալիս 2023 թվականի ամռանից։ Այս մրցաշրջանում 36-ամյա հարձակվողը բոլոր մրցաշարերում անցկացրել է 12 հանդիպում, դարձել 12 գոլի և 11 գոլային փոխանցման հեղինակ։