Բիլբաոյի «Ատլետիկի» գլխավոր մարզիչ Էռնեստո Վալվերդեն երկարաձգել է պայմանագիրը թիմի հետ, հայտնում է բասկյան ակումբի պաշտոնական կայքը։
60-ամյա մասնագետի հետ նոր պայմանագիրը նախատեսված է մինչև 2025 թվականի ամառ։
Վալվերդեն «Ատլետիկը» գլխավորում է 2022 թվականի հուլիսից։ Նախկինում նա իր մարզչական կարիերայի ընթացքում երկու անգամ աշխատել է թիմի հետ։
36 տուրից հետո «Ատլետիկը» 62 միավորով 5-րդ տեղում է Լա Լիգայի մրցաշարային աղյուսակում:
