ՖԻՖԱ-ի նախագահ Ջանի Ինֆանտինոն ասել է, որ աշխատանքներ են տարվում VAR համակարգի օգտագործման կանոնները փոխելու ուղղությամբ։ Նրա խոսքով, այս պահին համակարգը փորձարկվում է մարզչի խնդրանքով տեսահոլովակ դիտելով:
Ավելի վաղ բրիտանական լրատվամիջոցները հայտնել էին, որ Պրեմիեր լիգայի ակումբները շուտով կդիտարկեն հաջորդ մրցաշրջանից VAR-ից հրաժարվելու տարբերակը։
«Ստեղծվել է ավելի պարզ տեխնոլոգիա՝ ավելի քիչ տեսախցիկներով և, հետևաբար, ավելի հասանելի բոլորի համար: Յուրաքանչյուր թիմի մարզիչները կարող են երկու անգամ օգնություն խնդրել VAR-ից (ՖԻՖԱ-ի ղեկավարը չի հստակեցրել՝ խոսքը երկու խնդրանքի մասին է յուրաքանչյուր խաղում, թե յուրաքանչյուր խաղակեսում։- Sport24)։
Ֆուտբոլիստները կկարողանան հորդորել իրենց մարզչին` խնդրելով վերանայել խաղը: Եթե պահանջված կրկնության արդյունքում փոխվի մրցավարի նախնական որոշումը, ապա վերանայման նախաձեռնող թիմը կպահպանի կրկնությունը պահանջելու երկու հնարավորություն»,- Ինֆանտինոյի խոսքերն է մեջբերում Marca-ն:
