«Բետիսի» հարձակվողական ոճի կիսապաշտպան Իսկոն ձախ ոտքի կոտրվածք է ստացել։ Բժիշկներն այժմ որոշում են, թե արդյոք խաղացողը վիրահատական ​​միջամտության կարիք ունի, հայտնում է ակումբի կայքը։

Այս մրցաշրջանում 32-ամյա Իսկոն «Բետիսի» կազմում անցկացրել է 36 հանդիպում, դարձել 9 գոլի և 7 գոլային փոխանցման հեղինակ։

Վնասվածքի պատճառով նրա մասնակցությունը 2024 թվականի Եվրոպայի առաջնությանը կասկածի տակ էր։ Թեև կիսապաշտպանը 2019 թվականից չի հրավիրվել Իսպանիայի հավաքական, սակայն նա ինքը չի բացառել, որ թիմի գլխավոր մարզիչ Լուիս դե լա Ֆուենտեն իրեն կընդգրկի Գերմանիա մեկնելու համար։