«Բարսելոնան» պատրաստ է վաճառել իր թիմի ցանկացած ֆուտբոլիստի, միայն չորս ֆուտբոլիստներ են անձեռնմխելի ակումբի համար հաջորդ մրցաշրջանում, հայտնում է RAC1-ը։
Աղբյուրի փոխանցմամբ՝ նրանք են դարպասապահ Մարկ-Անդրե տեր Շտեգենը, պաշտպան Պաու Կուբարսին, կիսապաշտպան Գավին և եզրային հարձակվող Լամին Յամալը։ Ակումբը պատրաստ չէ վաճառել այս խաղացողներին նույնիսկ շատ մեծ գումարի դիմաց։
Մնացածը տեսականորեն կարող էր հեռանալ։ Նախատեսվում է, որ թիմից կհեռանան Ռոնալդ Արաուխոն, Ֆրենկի դե Յոնգը, Ռաֆինյան և Ժյուլ Կունդեն։
Ռոբերտ Լևանդովսկու հետ կապված իրավիճակն ավելի բարդ է։ «Բարսան» դեմ չէ նրան բաց թողնելուն, բայց լեհը չի ցանկանում հեռանալ։ Ըստ պայմանագրի՝ հաջորդ մրցաշրջանում նա պետք է վաստակի 32 միլիոն եվրո։
