«Չելսին» բանավոր համաձայնեցրել է Էստեւանի հետ ապագա պայմանագրի անձնական պայմանները։

Հիշեցնենք, որ «ազնվականները» աշխատում են «Պալմեյրասի» 17-ամյա հարձակվողի տրանսֆերի վրա։ Եթե ​​համաձայնությունը ձեռք բերվի, Էստևանը կմիանա լոնդոնյան ակումբին 2025 թվականին՝ նրա 18 տարեկանից հետո։

Ըստ ինսայդեր Ֆաբրիցիո Ռոմանոյի ՝ «Չելսին» ծրագրում է «Պալմեյրասին» առաջարկել ավելի քան 55 միլիոն եվրո փոխհատուցում, որը նշված է բրազիլացու պայմանագրում:

Նախնական առաջարկը, որը դեռ չի ուղարկվել, կարող է լինել 32 միլիոն եվրո՝ գումարած 25 միլիոնի չափով բոնուսներ, ինչը կախված կլինի հարձակվողի խաղից: Վերջնական պայմանավորվածությունը կկայացվի բրազիլական ակումբի հետ բանակցությունների ընթացքում։

Էստևանի պայմանագիրը «Պալմեյրասի» հետ նախատեսված է մինչև 2026 թվականը: Սան Պաուլո ակումբի կազմում անցկացրած 14 հանդիպումներում հարձակվողը 3 գոլ է խփել։