Մադրիդի «Ռեալի» գլխավոր մարզիչ Կառլո Անչելոտտին հայտնել է, որ դարպասապահ Տիբո Կուրտուան լիովին ապաքինվել է վնասվածքից և մայիսի 4-ին կխաղա «Կադիսի» դեմ։
Միաժամանակ Անդրեյ Լունինը կպաշտպանի սերուցքայինների դարպասը մայիսի 8-ին կայանալիք «Բավարիայի» դեմ Չեմպիոնների լիգայի երկրորդ կիսաեզրափակիչ խաղում։
«Կուրտուան իրեն լավ է զգում: Վաղը նա երկար ժամանակ անց առաջին անգամ կխաղա։ Նա կարող է նպաստել, մենք ուրախ ենք, որ նա վերադարձել է:
Կուրտուան կխաղա՞ Չեմպիոնների լիգայի եզրափակչում։ Մենք կենտրոնացած ենք «Բավարիայի» դեմ պատասխան խաղի վրա, որում խաղալու է Լունինը։ Կտեսնենք, թե ինչ կլինի հետո»,- Անչելոտտիի խոսքերն է մեջբերում AS-ը։
