Էրիկ տեն Հագը խոստացել է, որ «Մանչեսթեր Յունայթեդը» կպայքարի Չեմպիոնների Լիգայի ուղեգրի համար։
«Չգիտեմ՝ շանսերը կորցրե՞լ ենք։ Մենք շարունակելու ենք պայքարը։
Մենք տեսանք, որ այս շաբաթ կարող ենք և պետք է հաղթեինք բոլոր երեք խաղերում։ «Բրենտֆորդի» դեմ խաղը վատագույնն էր, մենք արժանի չէինք հաղթանակի։
Բայց մյուս երկու հանդիպումներում, եթե դու հաղթական դիրքում ես, և մենք արժանի էինք այդ պահին հաղթական դիրքում լինելուն, ապա դու պետք է հաղթես։ Եվ սա վճռորոշ է:
Մենք կպայքարենք յուրաքանչյուր միավորի համար, իսկ հետո կտեսնենք, թե որտեղ կհայտնվենք: Հասկանալի է, որ մենք շատ հետ ենք, բայց պայքարելու ենք յուրաքանչյուր միավորի համար»,- ասել է «Մանչեսթեր Յունայթեդի» գլխավոր մարզիչը :
