«Լիվերպուլը» պատրաստ է «Սպորտինգին» 15 միլիոն եվրո վճարել գլխավոր մարզիչ Ռուբեն Ամորիմի համար։ Այս մասին հայտնում է The Telegraph-ը։

Ավելի վաղ հայտնի էր դարձել, որ մերսիսայդցիները հրաժարվել են Խաբի Ալոնսոյին գլխավոր մարզչի պաշտոնում հրավիրելու մտքից։ «Կարմիրների» ղեկավարությունը կանցնի այլընտրանքային թեկնածուների։ Նրանցից մեկը Ռուբեն Ամորիմն է, ով գլխավորում է «Սպորտինգը»։

39-ամյա մասնագետի պայմանագրում նշված է 15 միլիոն եվրո հրաժարագին: Աղբյուրի փոխանցմամբ՝ «Լիվերպուլը» պատրաստ է վճարել այս գումարը։