«Վիլյառեալի» կիսապաշտպան Դանի Պարեխոն հայտնել է, որ Մադրիդի «Ռեալի» վինգեր Վինիսիուս Ժունիորը հաճախ է ռասիզմի ենթարկվում ֆուտբոլային խաղերի ժամանակ։
«Կարծում եմ՝ Վինիսիուսը արտասովոր, դիտարժան ֆուտբոլիստ է, ով զարմանալի որակներ ունի։ Եվ ես չեմ կարող պատկերացնել մի սցենար, երբ ես աշխարհի լավագույն թիմում կարևոր խաղացող լինեմ, և իմ շրջապատում բոլորը գովեն ինձ: Կարծում եմ, որ մենք՝ ֆուտբոլիստներս, պետք է նվիրվենք խաղին։
Յուրաքանչյուր խաղում միջադեպեր են լինում։ Բայց թվում է, որ Վինիսիուսը մասնակցում է դրանցից յուրաքանչյուրին: Սա մի բան է, որի վրա նա պետք է աշխատի։
«Ռեալի» խաղերում միշտ հատուկ մթնոլորտ է տիրում, և մարդիկ միշտ փորձում են քեզ առաջ մղել: Երբ ես խաղում էի նրանց մարզադաշտում, նրանք ինձ ասում էին հարբած կամ նման մի բան, բայց ես այդ մարդկանց չպատասխանեցի և ոչ մի ժեստ արեցի։ Դա անհրաժեշտ չէ։ Ֆուտբոլիստը պետք է վեր կանգնի նման իրավիճակներից։ Որոշ կետերում Վինիսիուսը սխալ բան է անում»,- ասել է Պարեխոն AS-ին տված հարցազրույցում։
23-ամյա բրազիլացին վերջերս լրագրողների հետ հանդիպման ժամանակ արտասվել էր այն բանից հետո, երբ նրան հարցրել էին ռասիզմի մասին։
