«Միլանի» ղեկավարությունը մտադիր է երկարաձգել պայմանագիրը 26-ամյա ձախ պաշտպան Թեո Էրնանդեսի հետ, որն ավարտվում է 2026 թվականի ամռանը։ Այս մասին հայտնում է Football Italia-ն։

Աղբյուրի համաձայն, ֆրանսիացի ֆուտբոլիստին ակումբում պահելու ռոսոներիների ցանկությունն ակտիվացել է Մյունխենի «Բավարիայի» կողմից նրա նկատմամբ ակտիվ հետաքրքրության ֆոնին։ Ընդգծվում է, որ «Միլանի» սեփականատերերի ավագ խորհրդական Զլատան Իբրահիմովիչը պետք է անմիջական մասնակցություն ունենա Էրնանդեսի հետ պայմանագրի երկարաձգման բանակցություններին։

Հիշեցնենք, որ այս մրցաշրջանում Էրնանդեսը բոլոր մրցաշարերում մասնակցել է 38 հանդիպման, որոնցում դարձել է հինգ գոլի և 10 գոլային փոխանցման հեղինակ։ Ֆուտբոլիստի ներկայիս պայմանագիրն ակումբի հետ նախատեսված է մինչև 2026 թվականի ամառը։