«Բարսելոնայի» մարզական տնօրեն Դեկուն ընդգծել է, որ գլխավոր մարզիչ Չավին չի փոխել իր որոշումը՝ հեռանալ այս մրցաշրջանի ավարտից հետո։
«Հավանաբար, ինձ արդեն 10 անգամ հարցրել են տարբեր հարցազրույցներում՝ արդյոք Չավին փոխել է մրցաշրջանի ավարտից հետո հեռանալու որոշումը: Նա դեռ մեզ ասում է, որ այն չի փոխվել։ Եթե դա տեղի ունենա, նա մեզ կասի։ Մեզ համար նա իդեալական մարզիչ է, ով միշտ դրական է տրամադրված և երբեք չի դժգոհում և կարեկցում է այն դժվարություններին, որոնց բախվում է մեր ակումբը»,- ասել է Դեկուն Cadena SER-ի եթերում:
Լա Լիգայի 29 տուրից հետո «Բարսելոնան» զբաղեցնում է մրցաշարային աղյուսակի 2-րդ տեղը՝ 8 միավորով զիջելով Մադրիդի «Ռեալին»:
