«Մանչեսթեր Յունայթեդի» ներկայացուցիչները բանակցություններ են վարել «Խետաֆեի» հետ հարձակվող Մեյսոն Գրինվուդի ապագայի շուրջ։
Ֆուտբոլիստն այժմ վարձավճարով հանդես է գալիս իսպանական ակումբում։ «Կարմիր սատանաները» պատրաստ են 50 միլիոն եվրոյի դիմաց վաճառել Գրինվուդին, սակայն «Խետաֆեն» չի կարող այդքան վճարել: Ակումբը հույս ունի լուծում գտնել 22-ամյա անգլիացուն պահելու համար։
Ինչպես հայտնում է Marca-ն, «Մանչեսթեր Յունայթեդի» ներկայացուցիչները «Բարսելոնայի» մարզական տնօրեն Դեկւի հետ հանդիպումից հետո բանակցությունների են գնացել «Խետաֆեի» հետ։ Գրինվուդով հետաքրքրված է նաև կատալոնական ակումբը, սակայն ֆինանսական խնդիրները դժվարացնում են հարձակվողին ձեռք բերելը։
«Խետաֆեի» կազմում անցկացրած 26 խաղում Մեյսոն Գրինվուդը խփել է ութ գոլ և կատարել հինգ գոլային փոխանցում իր թիմակիցներին։
