Մադրիդի «Ռեալի» նախկին հարձակվող Ռոնալդոն մեկնաբանել է Կիլիան Մբապպեի հնարավոր տեղափոխությունը ՊՍԺ-ից մադրիդյան ակումբ։

«Եթե Մբապպեն գնա «Ռեալ», նա շատ լավ ընտրություն կկատարի։ Սրանից հետո նա վերջապես կկարողանա նվաճել «Ոսկե գնդակը»», – Ռոնալդոի խոսքերն է մեջբերում Daily Mail-ը։

Փետրվարի 15-ին տեղեկություն հայտնվեց, որ Մբապպեն ՊՍԺ-ի ղեկավարությանը հայտնել է առաջիկա ամառ ակումբը լքելու իր որոշման մասին։

Այս մրցաշրջանում 25-ամյա ֆրանսիացին անցկացրել է 35 հանդիպում՝ դառնալով 34 գոլի և 7 գոլային փոխանցման հեղինակ։